ანტინორის ოჯახი მეღვინეობის ხელოვნებისადმი ერთგულია ექვს საუკუნეზე მეტი ხნის განმავლობაში. იმ დროიდან, როდესაც 1385 წელს Giovanni di Piero Antinori გახდა "Arte Fiorentina dei Vinattieri", ფლორენციელი მეღვინეების გილდიის წევრი.
ოჯახის ისტორიული მემკვიდრეობა მათი მამულებია ტოსკანასა და უმბრიაში, თუმცა წლების განმავლობაში ინვესტიციები განახორციელეს ბევრ სხვა ტერიტორიებზეც, როგორც იტალიაში, ასევე მის ფარგლებს გარეთ. სახელი კი მაღალი ხარისხის ღვინის წარმოებით გაითქვეს, რაც იძლევა შესაძლებლობებს დავაფასოთ და განვავითაროთ მეღვინეობის დიდი პოტენციალის მქონე უნიკალური ახალი ტერუარები.
ვილა ანტინორი, ანტინორის ოჯახის საფირმო ღვინო, პირველად 1928 წელს დაამზადა მარკიზ ნიკოლო ანტინორიმ, პიერო ანტინორის მამამ; განსაკუთრებული ღვინო, რომელიც, როგორც არცერთი სხვა, საუკეთესოდ წარმოადგენს ოჯახის ისტორიას, იდენტობასა და მარადიულობას. "ვილა ანტინორი არის სისხლით ტოსკანური წითელი, რომლის ყურძენი იზრდება, მწიფდება და იკრიფება ჩვენი ტოსკანური მამულებიდან, რის შემდეგაც ექვემდებარება ფერმენტირებასა და დაძველებას ანტინორის ოჯახის მამულებში". პიერო ანტინორი.
ბოტროსეკო მზადდება კაბერნე სოვინიონისა და კაბერნე ფრანკის ნაზავისგან, დამაინტრიგებელი, მძლავრი ღვინო არაჩვეულებრივი ბალანსით, რომელიც გამოხატავს მარემას რეგიონის უნიკალურ მახასიათებლებს.
ბრამიტოს აწარმოებენ ვენახებიდან, რომლებიც გარს აკრავს შუა საუკუნეების ციხესიმაგრეს კასტელო დელა სალაში. ერთ-ერთი ჯიში, რომელიც ამ ტერუარში ხარობს, შარდონეა. ვენახები გაშენებულია ნამარხი ქანებით მდიდარ ნიადაგებზე თიხის ძარღვებით, რომლებიც ღვინოს მინერალურობასა და ელეგანტურობას ანიჭებს.